جھکھڑاں اگے تاہیوں اڑیا ہویا واں
لوکاں نالوں وکھ نہ کھڑیا ہویا واں
اج وی جیہڑے کہن قصیدے حاکم دے
اوہناں شاعراں کولوں سڑیا ہویا واں
جیہڑے نال ٹرے سن، کدھر ٹر گئے نے
وختاں نوں میں 'کلا' پھڑیا ہویا واں
اک دوجے دیاں لاشاں اتے بھڑکن لوک
ربا! کیہڑی نگری وڑیا ہویا واں
نندیا کِنج کراں نہ کانیاں ونڈاں دی
بُلھے دے مدرسے پڑھیا ہویا واں
تکڑی پھڑ کے جو وی ڈنڈی ماریگا
سمجھو اوہدے نال میں لڑیا ہویا واں
