پنجابی بُجھارتاں

گھر و گھری آندراں دے ڈھیر
ولیواں پا کے لیندے گھیر

سارے اس نوں کہندے تار
ہتھ لاوے تے دیندی مار

ڈبی دے وِچ چیز ادھ پاؤ
بھانویں پیو بھانویں کھاؤ
سواد ایہدا اِکو جیہا
بات میری نوں بُجھدے جاؤ

سبز کٹوری مِٹھا بھت
لوو سہیلیو ہتھو ہتھ

چار موڈھیں چڑھ کے چلیا
نہ اوہ بولیا نہ اوہ ہلیا

دو ناراں دے اِکو رنگ
گُتوں پکڑ کرایئے جنگ
ایسیاں ویسیاں ویکھن آون
اِکو اپنا نام دھراون

بھرے بھرے پنجرے پٹار بھرے جاندے نی
راجا پُچھے رانی نوں ایہہ کیہ جناور جاندے نی

ہری ڈنڈی تے سبز دانا
لوڑ پووے تے منگ کھانا

بُجھ بُجھ بُجھاون
سر دُکھے اکھیں آون

ہسنا نہ سہیلیو، چلنا چِت سنسار
جو ہسیا سو لُٹیا اوسنے گھر بار