-
رائے محمد خان ناصر
پُھل خوشبو ہا اودوں تیکر
ویلے جد تائیں سُنگھیا کوئی ناہ -
عرفان وارث
توں آویں تے جاون کِھل
پُھل گلاب تے میرا دِل -
اختر حسین اختر
اس دنیاں دی رجی پجی حالت، وانگ اس بوٹے
پُھلّ تے پَھل لگن توں پہلاں جھڑ گیا جس دا بور -
اختر حسین اختر
جو پُھلّ بنے سن ہاراں لئی
اج وچّ خزاں دے رُلدے نے -
اشرف یوسفی
تیرے بوہے اگے رکھ کے ونڈاں میں
جے آکھیں تے لے آواں پنڈ پُھّلاں دی -
پروفیسر عاشق رحیل
لٹّ کے سوہنے، ہریاں بھریاں باغاں نوں
سیجاں اتے پھلّ سجائے لوکاں نے -
بشیر باوا
پھلاں دی فطرت اے کھڑ کھڑ ہس پینا
ماواں کچھڑ جھوٹے ہاسے نہیں ہوندے -
میاں محمد بخش
درد منداں دِےسُخن محمد، دین گواہی حالوں
جِس پلّے پھُل بدھے ہوون، آوے باس رُومالوں -
سلیم کاشر
سجناں ولوں آؤندے پتھر، کاشر پُھلّ ہی لگدے مینوں
میں کوئی منصور نہیں، جو، پُھلاں دی سٹّ سہِ نہ سکیا -
آصف شفیع
باغ وچ جد کلی نئیں لگدی
کوئی شے وی بھلی نئیں لگدی
-
محمد علی ظہوری
ایہہ کون آیاجدِھے آیاں بہاراں مُسکرا پیّاں
کِھڑے نیں پُھل تے کلیاں ہزاراں مُسکرا پیّاں -
سرفراز صفی
تُوں لہراندے پُھل دے ورگی
تیرے شوخ شباب دی گَل اے -
صابر علی صابر
رنگت مہک نفاست اوہدے بُلھاں دی
ایسی تیسی کر دیندی آ پُھلاں دی -
اشرف یوسفی
میرے کولوں پُچھ اس آب حیـــــاتی دا
جھلیا توں تے چکھی نئیں کھنڈ پُھّلاں دی -
بابا نجمی
میں وی اپنے سجناں اتے پُھلاں دا مینہہ پاؤندا
میرے وی جے لوکاں وانگوں، کاش، بنیرے ہندے -
بابا نجمی
حق نہ منگو غاصب کولوں نرمی نال
پھلاں نال کدی وی پتھر بھجدے نئیں
پُھل
پُھل بارے پنجابی شاعری